“Ногоон сэтгүүл” энэ удаагийнхаа дугаарт Улаанбаатар хотын агаарын бохирдлын асуудлыг хөндөж буй билээ. Утаатай байна гэж гомдоллохоос илүүтэйгээр бид агаарын бохирдлоос зайлсхийх, ангижрах арга, технологи, шинэ санааны эрэлд гарахыг зорьсон юм. Эко үйлдвэрлэл, эрүүл амьдралын хэв маягийн эрэл маань “ЮниГаз” компанийг зориход хүргэлээ.

Нийслэлийн агаарын бохирдлыг бууруулахад нэг бус нэжгээд хэмжээгээр хувь нэмрээ оруулж буй тус компанийн зорилго, үйл ажиллагаа сэтгүүлийн маань бодлоготой нэн таатайгаар хоршиж байгаа юм. Улмаар Улаанбаатар хотын агаарын бохирдлыг бууруулах, утаанаас ангижирч чадсан гадны улсуудын туршлага болон экологид ээлтэй гэгдэх шингэрүүлсэн хийн түлшний талаар “ЮниГаз” компанийн дэд захирал ноён Хосокава Масахикотой хэсэг хором ярилцсанаа толилуулъя.

“ЮниГаз” компани нь МҮХАҮТ, Агаарын Чанарын Алба, NTV телевизтэй хамтран “Агаарын бохирдол-бидний хариуцлага” уриалга гаргаж, энэхүү үйл ажиллагаандаа бусад аж ахуйн нэгж,  байгууллагуудыг уриалан дуудах, хамтран ажиллах тухай санамж бичгийг үзэглэлээ.

Дахиад л тог тасарчихлаа. Зууханд хийсэн талхнууд “будаа” болж, үйлдвэрлэлийн хог хаягдал хэдэн шуудайгаар нэмэгдэв. “Тэтгэвэрт гарсан” цахилгаан станцуудын техник, технологийг шинэчлэнэ гэдэг ч үлгэр биз. Бусад улс нанотехнологи, пикотехнологи нэвтрүүлж байхад манайхан дулааны цахилгаан станцуудынхаа асуудлыг шийдчихэж чадахгүй, ХХI зуунд лаа барин суух нь элбэг. Айл өрхүүд ч яахав, лаа дэнлүүгээр аргацааж болдог. Харин үйлдвэрлэл эрхлэгчид байн байн тасардаг тогноос болж хэчнээн алдагдал хүлээдгийг тооцоолдог газар, анхаардаг байгууллага ч алга. Гэнэт тог тасрах үеэр эвдрэл, гэмтэл гарвал “хохь нь” болоод өнгөрдөг хорвоо болжээ. Тэгэхээр үйлдвэрлэгчид маань асар их эрсдэлтэй үйл ажиллагаа явуулж байна гэсэн үг.